失望之作 : 龍が如く OF THE END


原本係一隻日本黑道動作遊戲既系列, 突然之間黎個大改, 改成黑道走去打喪屍,
故事好明顯係咁鳩咁黎, 所以都無謂對故事方面咁認真, 佢鍾意點吹就點吹,
我感到不滿既地方, 都係玩法果部份.

※ 由拳頭爛仔交加上執架生劈友, 改到用槍射喪屍...... 冇問題, 只要出得好玩的話,
但而家就係出得唔好玩, 用槍並唔係FPS或TPS果種玩法,
而係製作方面稱之為"Gun Shot Battle"既新系統, 同以往龍如系列執到槍果種射擊方法差唔多,
亦即係用槍黎代表拳頭做通常攻擊, 有自動鎖定既性能, 問題就係出於哩度......
以往龍如系列拳腳交有唔少招式, 而家得番一招射, 自然畀人感覺相當單調 ;

※ 都仲有腳踢可以用, 但只係單發既解圍技, 冇殺傷力, 完全冇以往拳頭交打倒敵人既爽快感 ;

※ 有TPS射擊模式, 同BIO4,5果種用法一樣, 對需要打弱點既敵人就會用到,
我個人覺得改到好似"Biohazard:Operation Raccoon City"咁,
射擊就用TPS, 平時可以用拳腳招殺喪屍可能會好玩好多......

※ 取代以往相當於必殺技既"極", 就係儲滿條氣力計,
按三角掣黎爆放到周圍都有既油桶之類既野, 相比以往數量豐富既極,
而家爆桶爆罐爆車係遜色好多......

※ 依然可以周街執架生扑濕喪屍, 但執架生果陣動作遲鈍, 冇得防禦,
仲要冇左極, 執起架生都冇左以往龍如既feel, 真係見到都唔會用 ;

※ 只要進入隔離區就有無限隻喪屍用屍海戰術黎攻擊玩家, 搞到好似玩緊喪屍無數咁,
唔係喪屍多就好玩, 動作單調, 只係不停咁走位同開槍......

※ 雖然而家仲係玩緊第二個人物既故事, 但唔同既人物到底有咩分別呢?
龍如4果4位主角都有唔同既招數, 但哩隻THE END既分別只係專用武器唔同,
其他動作都幾乎一樣...... 我寧願用渣刀仔既真島大哥好過而家渣shotgun......

總括黎講今集對我而言係非常失望既一集, 龍如要創新係冇問題,
好似見參咁改到古代用新版圖, 用刀刀劍劍黎做主武器一樣好玩,
PSP版換新主角, 新既戰鬥系列依然好玩, 但哩集THE END既玩法真係唔好玩,
假設龍如仲會再出, 仲用哩個所謂既"Gun Shot Battle"系統的話, 我絕對會放棄.

明知係地雷都要踩落去, 到底係咪真係中左雷?


最初GAPCOM話o係BIO度拆個傭兵模式出黎賣, 包括我自己在內, 十個人有九個都覺得係呃錢,
但去到6月之前, 3DS既Game又冇邊幾隻買得落手, PSP我又唔想買果隻乜鳩秋葉原,
o係冇乜選擇底下就唯有明知係地雷都要踩隻腳埋去, 結果係咪真係咁地雷呢?

廢話唔多講, 列點講下哩幾日玩隻game既感受 :

※ 畫面都算有BIO5既八成 ;

※ 遊戲去到Lv4之前既任務只算係教學, 之後既先至係真正既開始 ;

※ 將舊有既BIO既操作改良, 加入左普通槍game基本中既基中動作,
但BIO系列所欠缺既移動開槍, 移動上彈等, 跑步不需要按跑步掣,
單單係咁爽快度就已經大幅提升......

※ 加入左技能系統... 都算係BIO系列既新系統, 叫到多D野玩下 ;

※ 後期可以選擇既關卡難度大幅提高, 刺激感比起主機版既傭兵mode高出不少 ;

※ 聯機難度再進一步提升, 畀敵人打到紅血冇得自救, 必須要等partner去救,
只顧自己會好難過關, 太顧及partner殺敵太少又可能會好低分, 要攞高分就要好好咁互相配合 ;

※ 意外地有中毒性, 些微既改動, 遊戲性就有咁既提高 ;

※ 遊戲似乎會給予雙手唔少既負擔, 太長時間玩雙手會感到酸痛,
所以不宜玩得太耐 ;

※ 總括黎講哩隻唔係恐怖game, 而係單純殺戮既槍game,
有3DS又對槍game有興趣既, 不妨考慮下.
自我介紹

maxgalleon

Author:maxgalleon
圖片只係印象~

最新文章
最新留言
最新引用
月份存檔
類別
搜尋欄
RSS連結
連結
加為部落格好友

和此人成爲部落格好友